बिहानै तातो पानीमा कागती मिसाएर खानुका यस्ता छन् फाईदै - फाईदा ! बिहान उठ्नसाथ तातो चिया पिउने बानी धेरैको हुन्छ। तर खाली पेटमा तातो चिया पिउनु त्यति फाइदाजनक मानिँदैन।
अहिले स्वास्थ्य प्रति सचेत वर्गले बिहान खाली पेटमा मन तातो पानी पिउने गरेका छन्, जो एकदमै फाइदाजनक हुन्छ। तर, मनतातो पानीभन्दा सर्वोत्तम हुन्छ तातो कागती पानी।

जानौं यसको पाँच फाईदा :
१) यदि बिहान फ्रेस हुनुअघि तातो पानीमा कागतीको रस मिसाएर पिउँनु हुन्छ भने तपाईंको पेट राम्ररी सफा हुन्छ । कब्जियत पनि हुँदैन ।
२) यदि तपाईंले बिहान खाली पेटमा कागती पानी पिउनुभयो भने बढ्दो मोटोपन पनि नियन्त्रण हुन्छ । तौल घट्छ ।
३) यसले तपाईंको पाचन तन्त्रलाई फाइदा गर्छ । पाचन क्रिया राम्रो हुन्छ । कागती पानीको सेवनले पेटको समस्या पनि हट्छ ।
४) तातो कागती पानी सेवन गर्दा शरीरको भित्री सफाई हुन्छ र हानिकारक तत्व शरीरबाट बाहिर निस्कन्छ । यसले प्रतिरोधात्मक क्षमता पनि बढाउँछ ।
५) यसको ठूलो फाइदा यो पनि हो कि, मुख र सासको गन्ध हट्छ । तपाईं ताजगी महसुस गर्न सक्नुहुनेछ । यसमा रहेको भिटामिन सिले तपाईंलाई फाइदा पुग्छ ।